Ժամկետը՝ ուսումնական երկրորդ շրջան

Մասնակիցներ՝ յոթերորդցիներ

Նպատակը՝ գրական կերպարների ուսումնասիրություն, դեդուկտիվ մտածողության զարգացում

Խաղի կանոններ, իրականացման ընթացք

• Մասնակիցներից յուրաքանչյուրն ընտրում է մեկ գրական կերպարի, որին ինքը թաքցնում և մարմնավորում է: Յուրաքանչյուրը ձեռքին կրում է թերթիկ, որի վրա գրված է իր ընտրած կերպարի անունը:
• Մասնակիցներից երեքը հորինուկներ են՝ կերպարներ, որոնք իրականում որևէ ստեղծագործությունից չեն և հորինված են հենց մասնակիցների կողմից:
• Մասնակիցներից յուրաքանչյուրը սկսում է ներկայանալ՝ իր մասին որոշ բաներ պատմելով, հուշելով:
• Ծանոթացումից հետո մասնակիցները սկսում են գուշակել, թե որ մասնակիցը որ կերպարին է թաքցնում՝ նպատակ ունենալով գտնելու հորինուկներին: Միմյանց տրվում են հարցեր:
• Կասկածյալների թեկնածությունները դրվում են քվեարկության: Շատ ձայներ հավաքած մասնակիցը հեռանում է խաղից:
• Խաղն ավարտվում է, երբ բոլոր հորինուկները հեռացվում են մասնակիցների շարքից:

Արդյունքներ՝ խաղի լուսաբանում բլոգներում, ենթակայքում, կայքում