![](https://marysargsyan.home.blog/wp-content/uploads/2021/02/998108.jpg?w=670)
Նկարագրությունը: Հովհաննես Թումանյանը հայ մշակութային, հասարակական կյանքում մեծ ներդրում ունեցած գրող ու գործիչ է: Թումանյանական ստեղծագործությունները մեզ ուղեկցում են ողջ կյանքում՝ մանկությունից մինչ ծերություն, մանկական ոտանավորներից մինչ խոհափիլիսոփայական քառյակներ:
Փետրվարը լիքն է լինում թումանյանական տարբեր նախաձեռնություններով: Կրթահամալիրում իրականացվող տարաբնույթ նախագծերն էլ հարստացնում են գրողին նվիրված, նրա գործը հիշատակող ու շարունակ գնահատող, վերարժևորող միջոցառումների շարքը՝ թումանյանական շնչով լցնելով կրթական գործընթացը:
Նպատակը: Կրթահամալիրի բոլոր օղակներում փետրվար-մարտ ամիսներին իրականացվում են Հովհաննես Թումանյանին նվիրված տարբեր նախագծեր, որոնք կարող են լինել անհատական, խմբային, տարատարիք: Դրանց հիմնական նպատակն է Թումանյանի գործունեությանը ծանոթանալը, ստեղծագործություններն ընթերցել ու վերընթերցելը, դասերն ու խորհուրդները քննարկելն ու յուրացնելը:
Խնդիրներն են՝
- Հովհաննես Թումանյանի թողած գրական ժառանգության ուսումնասիրություն,
- Գրողի ստեղծագործությունների ընթերցում, վերլուծում, քննարկում, հանրայնացում,
- Թումանյանական օրերի նշանավորում,
- Թումանյանի՝ հայ ազգային կյանքում ունեցած դերի ու նշանակության արժևորում:
Ժամանակացույցը: «Մխիթար Սեբաստացի» կրթահամալիրը, ըստ ուսումնական օրացույցի, փետրվարի սկզբից մինչ մարտի կեսերը (ամեն տարի տրվում է հստակ ժամանակահատված) տոնում է Թումանյանական օրերը: Նախագծերը, պայմանավորված ծավալով, այլ առանձնահատկություններով, կարող են ավելի երկար ժամանակահատված ընդգրկել: Սովորաբար նախագծային օրերին հատկացված ժամանակում ներառվում է նաև փետրվարի 19-ը, որը սովորողների հետ հնարավորինս բովանդակալից ենք դարձնում տարբեր նախաձեռնություններով: Հաջորդիվ շարունակվում են նախագծային աշխատանքները, հոդվածների թողարկումներ, վարպետության դասեր, կլոր սեղան-քննարկումների, մրցույթների կազմակերպում, ֆլեշմոբային ընթերցումներ և այլն:
Մասնակիցներ: Նախագծային աշխատանքներին մասնակցում են դասավանդողները, սովորողները, ծնողները և ընտանեկան դպրոցի այլ ներկայացուցիչներ, հյուրեր, այլ հետաքրքրվողներ: Դասավանդողն առավելապես խորհրդատուի և աշխատանքները համակարգողի գործառույթներն է իրագործում, թեպետ կարող է նաև իր ակտիվ մասնակցությունն ունենալ` տեսանյութեր ու ռադիոնյութեր պատրաստելով և այլն․․․
Իրականացման ընթացքը
- Նախագծերի քննարկում սովորողների հետ, առաջարկությունների գրանցում,
- Նախագծի կազմում,
- Ժամկետների, աշխատանքների ճշգրտում, մշակում (հարկ եղած դեպքում՝ աշխատանքի բաժանում),
- Նախագծի իրականացում,
- Նախագծերի լուսաբանում, ներկայացում կայքում, սովորողների և ուսուցչի բլոգներում:
Աշխատանքային ուղղությունները
- Ընթերցանություն (անհատական, ընտանեկան, խմբային-բերանացի)
- Ուսումնասիրություններ և ստեղծագործական աշխատանքներ
- Թեմատիկ խաղ-մրցույթներ
- Ֆլեշմոբային առաջադրանքների մշակում
- Գրողին առնչվող քննարկումներ, բանավեճեր, հանդիպումներ
- «Կլոր սեղան»-քննարկումներ
- Վարպետության դասեր
- Տեսադասեր
- Բեմադրություններ
- Աուդիո-, տեսա-, ռադիոնյութեր
- Թումանյանական ճամփորդություններ, կրթական փոխանակումներ
- Քաղաքային թափառումներ
Նախագծի իրականացումը՝ ըստ կրթական օղակների
Նախակրթարանների նախագծային գործունեությունը: Նախակրթարաններում այս օրերին ծանոթանում են Թումանյանի հետ, ընթերցանությանը ակտիվ մասնակցում են ընտանիքները: Թումանյանական հեքիաթներ են ընթերցվում, բեմադրվում: Երեխաներին հաճախակի տրվում են հարցեր, զարգացնում նրանց բանավոր խոսքը: Սխալ արտասանած բառերը շտկվում են, ոչ հայերեն բառերի հայերեն տարբերակն է մատուցվում, անընդհատ խոսելով՝ զարգացնում են բանավոր խոսքը, ստեղծագործելու, հորինելու կարողությունը, միմյանց զիջելու, լսելու կարողությունը, ցածր խոսելու ունակությունը։
Կրտսեր օղակի նախագծային գործունեությունը: Կրտսեր դասարաններում մայրենիի օրերին իրականացվող նախագծերի հիմնական խնդիրներն են են սովորողի բանավոր ու գրավոր խոսքի, մեդիահմտությունների զարգացումը: Առաջին դասարանում այս շրջանը զուգորդվում է թումանյանական նախագծերի և բառուսուցման փուլի ավարտի հետ։ Որպես ստուգատեսային կետեր առանձնացվում են հետևյալները․
- Սովորողների կողմից թումանյանական հեքիաթների հատվածաբար ընթերցում
- Թումանյանական լեզվի յուրացում, անծանոթ բառերի բացատրություն
- Թումանյանական լեզվով նոր հեքիաթի ստեղծում
Աշխատանքները հրապարակվում են սովորողների անհատական-դասարանական բլոգներում:
Միջին օղակի նախագծային գործունեությունը:
Միջին օղակում թումանյանական օրերը նշանավորվում են անհատական, ընտանեկան, բերանացի ընթերցումներով, քաղաքային թափառումներով, ճամփորդություններով, քննարկումներով, ներկայացումներով և այլ նախաձեռնություններով: Ուսումնասիրվում են Թումանյանի բանաստեղծությունները, քառյակները, պոեմները, բալլադները և այլ ստեղծագործություններ: Նախագծի ավարտին արված աշխատանքները հավաքվում են, ամփոփվում, հրապարակվում դասավանդողի բլոգում, ենթակայքում, այլ մեդիահարթակներում:
Ավագ օղակի նախագծային գործունեությունը:
Ավագ օղակում նախագծային այս օրերին ընթերցում են Թումանյանի արձակն ու պոեզիան, Թումանյանի ու Թումանյանին առնչվող հոդվածները: Կազմակերպվում են քաղաքային թափառումներ, ճամփորդություններ, ներկայացումներ, կլոր-սեղաններ, տարաբնույթ քննարկումներ: Նախագծի ավարտին արված աշխատանքները հավաքվում են, ամփոփվում, հրապարակվում դասավանդողի բլոգում, ենթակայքում, այլ մեդիահարթակներում:
Քոլեջի նախագծային գործունեությունը:
Քոլեջում ընթերցում են Թումանյան, այցելում գրողի տուն-թանգարան: Գրական խոսքի ակումբը կազմակերպում է տոնական քննարկում: Նախագծի ավարտին արված աշխատանքները հավաքվում են, ամփոփվում, հրապարակվում դասավանդողի բլոգում, ենթակայքում, այլ մեդիահարթակներում:
Նախագծի բովանդակությունը․
Հեքիաթներ՝
- «Քեֆ անողին քեֆ չի պակսիլ»
- «Ոսկու կարասը»
- «Չախչախ թագավորը»
- «Տերն ու ծառան»
- «Եդեմական ծաղիկը»
- «Սուտլիկ որսկանը»
Պոեմներ՝
Պատմվածքներ՝
Բանաստեղծություններ՝
- «Իմ երգը»
- «Համերգ»
- «Երկու սև ամպ»
- «Ա՜խ ինչ լավ են սարի վրա»
- «Պատրանք»
- «Երնեկ թիթեռ ես լինեի…»
- «Ժամանակն անվերջ, տիեզերքն անհուն…»
- «Կաքավի գովքը»
- Այլ բանաստեղծություններ՝ դասավանդողի և սովորողների ընտրությամբ
Մուլտֆիլմեր՝
Քառյակներ՝
Ճամփորդություններ՝
Թումանյանի ստեղծագործություններ առցանց շտեմարան թանգարանի կայքում
Առաջարկվող գրականություն՝
«Ոչ մի շաբաթ առանց Թումանյանի»
Վարդգես Ահարոնյան «Հովհաննես Թումանյան/ Մարդը և բանաստեղծը»
Նախագծի համալրման հիմքում` Անուշ Ներսիսյանի մշակումը
Արդյունքներ`
- Մանե Սարգսյան
- Մարիաննա Խաչատրյան
- Լուիզա Գևորգյան
- Հարություն Ավագյան
- Աննա Այվազյան
- Դայանա Հովհաննիսյան
- Արսինե Կարապետյան
- Տիգրան Բարսեղյան
- Նարինե Նիկողոսյան
- Մարիա Վաթյան
- Խորեն Սարգսյան
- Սառա Կարապետյան
- Լիլիթ Գրիգորյան
- Գագիկ Մանուկյան
- Արսեն Գրիգորյան
- Տիգրան Խաչատրյան
- Վալերիկ Հայրապետյան
- Վահե Ղազարյան
- Գագիկ Մանուկյան
- Արսինե Կարապետյան
- Մանե Սարգսյան
- Մարինա Վարդապետյան
- Մհեր Կարապետյան
- Գայանե Հարությունյան
- Սառա Կարապետյան
- Արայիկ Անդրեասյան
- Լիլիթ Գրիգորյան
- Գեղամ Առաքելյան
- Արսեն Գրիգորյան
- Մարիամ Ներսեսյան
- Մանե Օհանջանյան
- Գաբրիելա Թանաշյան
- Գայանե Հարությունյան
- Վահե Ղազարյան