Հունվարի 30
Նախադասության գլխավոր անդամներ, ենթակա
Դուրս գրել ենթականները, թե ինչով են արտահայտված։
Լուսաբացի շողքը երդիկից ներս էր ընկել, կարպետի վրա կաթնագույն շրջան գծել, երբ Սաքանը զարթնեց, տրեխները հագավ:
Ասյայի մոտով անցնելիս նա տեսավ սպիտակ շորը, վիզը, ուսի մի մասը, ուսի վրա սպիտակ շորի բարակ մի կտոր: Արագ մոտեցավ դռանը, մանգաղն առավ, դուրս եկավ:
Տան առաջ, առվի մոտ երեսը լվաց, սրբեց չուխի ծայրով, իջավ ձորը, այգում խոտ քաղելու: Ճանապարհին Սաքանը մի միտք էր անում՝ մե՞րկ էր քնել Ասյան, թե շապիկ կար հագին. եթե շապիկ կար, ինչո՞ւ ուսը բաց էր, գուցե կողքի սպիտակ շորը նրա շապի՞կն էր:
Կովը շուտ-շուտ գոմի դռանն էր նայում, հորթուկին լիզում, վիզը ախոռի փայտերին քսում, քերում: Տանն արդեն զարթնել էին, տեղաշորը հավաքել, կինը օջախն էր վառել, թեյի պատրաստություն էր տեսնում, երբ Սաքանը թարմ խոտի երկու խուրձ շալակին եկավ տուն:
Խոտի խուրձը կովի առաջ շաղ տալիս Ասյան էլ էր կանգնած Սաքանի կողքին: Նա ծիծաղում էր, երբ հորթը դունչը մեկնում էր կանաչ խոտին, հոտոտում և ոտքերը երերալով փախչում, գլուխը թաղում մոր կուրծի մեջ:
Ստուգում ենք լրացուցիչ կրթության աշխատանքը։
Լրացուցիչ կրթություն (տանը)
Գրել նախադասություններ, որտեղ կունենաք.
- Պարզ ստորոգյալ պարզ ժամանակաձևով,
- Պարզ ստորոգյալ բաղադրյալ ժամանակաձևով,
- Բաղադրյալ ստորոգյալ գոյական ստորոգելիով,
- Բաղադրյալ ստորոգյալ ածական ստորոգելիով,
- Բաղադրյալ ստորոգյալ թվական ստորոգելիով,
- Բաղադրյալ ստորոգյալ դերանուն ստորոգելիով,
- Բաղադրյալ ստորոգյալ անորոշ դերբայ ստորոգելիով,
- Բաղադրյալ ստորոգյալ ենթակայական դերբայ ստորոգելիով,
- Բաղադրյալ ստորոգյալ հարակատար դերբայ ստորոգելիով։
Գրել նապադասություններ, որոնք կունենան ենթականեր` արտահայտված.
- Գոյականով,
- Ածականով,
- Թվականով,
- Դերանունով,
- Անորոշ դերբայով,
- Ենթակայական դերբայով,
- Հարակատար դերբայով։
Հայոց լեզու, գրականություն 