Հունվարի 19. ճամբարի օրը

Հունվարի 19-ի ճամբարային օրվա մի ժամը վաղուց որոշել էինք նվիրել կրտսեր ճամբարականներին՝ հագեցնելով ու ավելի հետաքրքիր դարձնելով մեր գործունեությունը: Մարինե Ամիրջանյանի հետ նախնական պայմանավորվածությամբ՝ այցելեցինք Արևելյան դպրոց-պարտեզ՝ մեր կրտսեր ընկերների հետ ծանոթանալու, զրուցելու, նրանց համար ինտելեկտուալ խաղ և հետաքրքիր քննարկում կազմակերպելու:

Մեր ջոկատի լրագրողների խումբը նախ ծանոթացավ ճամբարականների հետ, հայտնեց հանդիպման նպատակների մասին, խմբի անդամներն անհատապես ներկայացան: Կրտսեր ընկերներին խնդրեցինք բաժանվել թիմերի, ինչից հետո էլ սկսեցինք խաղը: Տրամաբանական հարցերին ոգևորությամբ պատասխանում էին, ուրախացնում ու ոգևորում իրենց ավագ ընկերներին մտքի ճկունությամբ: Բայց զարմանքն ավելի մեծ էր հետո, երբ սկսվեց երկրորդ փուլը՝ քննարկումը:

Լրագրողների խումբը ընտրել էր կարևոր ու արդիական թեմա՝ համակարգչային խաղերի ու մուլտֆիլմերի ազդեցությունը երեխաների վրա: Թեման ընտրել էին՝ կասկածելով, որ կարող է բարդ լինել կրտսերների համար, մինչդեռ վերջիններս, առանց իրար հերթ տալու, հիմնավորումներով, կշռադատված կարծիքներով զարգացրին թեման, ընդլայնեցին՝ հասցնելով խաղասրահների կործանարար ազդեցությանն ու խաղերի հետագա փուլերի վճարովի ծառայություններին:

Երբ ուզում էինք գոհ ու երջանիկ հեռանալ՝ հաջողություն մաղթելով կրտսեր ճամբարականներին, մեզ անակնկալ մատուցեցին, ինչ-որ տեղ էլ՝ վրեժխնդիր եղան՝ անելով հակառակը. իրենք ևս կազմակերպեցին ինտելեկտուալ խաղ ավագ ընկերների համար՝ բաժանելով թիմերի: Շնորհակալ ենք ընկեր Մարինեին ու մեր կրտսեր ընկերներին սիրուն հանդիպման համար:

Մեր ջոկատը հյուրընկալեց ճամբարականներ Անաիս և Սանահին Բեգլարյանների մայրիկին՝ Նարինե Անջարղոլյանին: Մեր ուշադրության կենտրոնում պարսկական ազգային խոհանոցն էր՝ իրեն բնորոշ առանձնահատկություններով, ճաշատեսակներով:

Նախ զրուցեցինք պարսկական խոհանոցի մասին: Նարինեն ներկայացրեց հաճախակի պատրաստվող ուտեստները, օգտագործվող համեմունքները:

Բեգլարյան քույրերի մայրիկը մեր ջոկատի խոհարարների խմբի հետ պատրաստեց պարսկական ազգային ուտեստ՝ խորեշտե նոխոդ ֆարանգի՝ ոլոռով, աղացած մսով, կարտոֆիլով բրինձ: Այս ամենը ավելի համեղ դարձրին ազգային համեմունքները:

Ճաշատեսակը պատրաստելուց հետո մատուցեցինք ճամբարականներին, սեղանի շուրջ ամփոփեցինք աշխատանքը: Շնորհակալ ենք Նարինեին դրական լիցքերի, ուսուցողական հանդիպման և անասելի համեղ ուտեստի համար:

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s