Հեռավար ուսուցում, դաս 4, 8-րդ դասարան

Հայոց լեզու

  1. Գտնում ենք սխալ գործածված բառերն ու բառակապակցությունները և ուղղում:
    • Սիրահարված եմ ձեր երկրի վրա:
    • Մաշվում էր հարազատ տան, ընկերների կարոտով:
    • Խոսքը վերաբերվում է քեզ ու քո ցանկություններին:
    • Գիտեմ, որ լավ ես վերաբերում նրանց:
    • Քույրս երրորդ դասարան է:
    • Բաժակը ձեռքն էր, որ մտավ:
    • Մարսը աղքատ է ջրով;
    • Շատ լավ է տիրապետում անգլերենը:
    • Մուգ ակնոցներիդ պատճառով աչքերդ չեմ տեսնում:

Վերհիշենք ածականն ու թվականը:

  1. Տրված բայերից կազմել ածականներ և ընդգծել ածականակերտ ածանցները:
    • Վստահել, համակրել, բացատրել,
    • Դյութել, գրավել, հուզել,
    • Վախենալ, ամաչել, պարծենալ:
  2. Տրված բառակապակցությունների իմաստներն արտահայտել ածականներով և ընդգծել ածականակերտ ածանցները:
    • Յոթ գլուխ ունեցող, երկու երես ունեցող, երկու փող ունեցող,
    • Եռանդով օժտված, շատ բուրդ ունեցող, գույն ունեցող, թևեր ունեցող,
    • Մեծ ուժ ունեցող, երեք տարի(ամ) տևող, տասը տարեկան:
  3. Կետերը փոխարինել ածականակերտ ածանցներով:
    • .կենդան, .կամ, .խոսկան, հայր., կիս., փառ., վայր., աղ., արևել., երևան., ընկեր.,
    • կծ., ազդ., թրթռ., հնչ., խոհ., դողդոջ.:
  4. Տրված տեքստին ավելացնել մտքին համապատասխանող ածականներ:
    • Ֆլորիդայի էլեկտրակայանի մի աշխատակցուհի պատմում էր. «Ռոբոտը բարձրացրեց ամուր սեղմած ձեռքն ու սկսեց հարվածելով ինքն իրեն մասնատել»: Նա ականատես էր եղել ռոբոտի «ինքնասպանության»՝ աշխարհում առաջին դեպքին: Էլեկտրոնային օգնականն ստեղծվել էր ատոմային էլեկտրակայանի ռեակտորներում տարբեր տեսակի սև աշխատանքներ կատարելու համար: Ռոբոտը հավանաբար հոգնել էր իրենից, երբ ատոմակայանում որոշ ժամանակ աշխատելուց հետո իր համար հեռանկար չէր տեսել, կամ էլ, որն ավելի հավանական է, ուղղակի նրա սխեմայի մեջ անսարքություն էր առաջացել:
  5. Խմբավորել տրված թվականները (քանակական, դասական, բաշխական կոտորակային):
    • Հարյուր քսան, երկու հինգերորդ, վաթսուն, երրորդ, յոթական, տասը, կես, չորրորդ, վաթսունմեկերորդ, իննական, քառասուն-քառասուն, մեկական, քառորդ, քառասուներորդ, մեկ երկրորդ, առաջին:
  6. Տեքստի թվականները բառերով գրել:
    • Կալիֆոռնիացի 40-ամյա մի մարդ Միացյալ Նահանգները՝ Խաղաղ օվկիանոսից մինչև Ատլանտյան, ոտքով անցավ 99 օր 13 ժամ 13 րոպեում, 6 ժամով ավելի արագ, քան նույն տարածությունն անցած հայրենակիցը: Ճանապարհի երկարությունը 4904 կիլոմետր է: 1 օրում անցնում էր միջին հաշվով 50 կիլոմետր:
  7. Սխալ գործածված կամ գրված թվականները գտնել և ուղղել:
    • Ութ տարում երեսուն ինն անգամ քննություն է հանձնել:
    • Նրա հավանոցում երեքհարյուրվաթսուներկու թռչուն կա:
    • Բոլոր երեխաներին վեց-վեցական մատիտ տվեցին:
    • Քսանմեկերրորդ դարը նոր բացահայտումների դար է:
    • Նրանց ամենաառաջին հանդիպումը այս տարի էր:

Առաջադրանքների աղբյուրը՝ Սուսան Մարկոսյան «Հայոց լեզու. 8-րդ դասարան»

Գրականություն

  1. Ընթերցում և վերլուծում ենք Ստեփան Զորյանի «Տխուր մարդիկ» շարքից «Կամաց խոսեք…» պատմվածքը:
  2. Քննարկում ենք.
    • Դավիթ Դանիելյանը և տիկին Մարիամը՝ տխուր մարդիկ
    • Ատամի ցավը և կամաց խոսելու կարևորությունը
    • Ֆիզիկական ցավով տխուր մարդը. համեմատություն զորյանական մյուս տխուր մարդկանց հետ
    • Տխուր մարդկանց հոգեբանությունը. անհարմարություն զգալու և պատճառելու կապը
    • Ցավը՝ որպես մարդու բացահայտման միջոց մեզ հայտնի ստեղծագործություններում
  3. Բացատրում ենք.
    • անվանակոչություն
    • երեսփոխ
    • սաստկանալ
    • մախաթ
    • շիկանալ
    • ննջեցյալ
    • աղախին
    • նիրհել
  4. Ամփոփում ենք Ստեփան Զորյանի «Տխուր մարդիկ» շարքից մեզ արդեն հայտնի գործերը՝ խոսելով տխուր մարդկանց կերպարների մասին:

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s