Մայրենի, 6-րդ դասարան, 21.10.2019

  • Պարսկական կատակ-առակների բանավոր ներկայացում և քննարկում:
  • Տնային աշխատանքների ստուգում: «Իմ հետաքրքիր կատակներից մեկը» թեմայով հանձնարարված շարադրանքների ընթերցում և քննարկում:
  • Շարունակում ենք իրականացնել Տոնական միֆաքանդում նախագիծը:
  • Այս շաբաթ կծանոթանանք հայկական լավագույն առասպելներին: Իհարկե, կծանոթանանք նաև դրանք մեզ ավանդած Մովսես Խորենացու հետ: Լսե՞լ ես, թե նրան ինչ անուններով են կոչում:

Արա Գեղեցիկ և Շամիրամ

ara-gexecik-shamiram

Հայոց արքա Արամի մահից հետո Հայաստանի խնամակալությունը անցնում է նրա որդուն՝ Արա Գեղեցիկին։ Ասորեստանում այդ ժամանակ թագավորում է Նինոս արքան, որը բարձր շնորհների է արժանացնում Արային, ինչպես որ ժամանակին՝ նրա հորը: Սակայն Նինոսի կինը՝ Շամիրամը, վաղուց ի վեր լսած լինելով Արայի գեղեցկության մասին, ողջ հոգով տենչում է տեսնել նրան, և սակայն ամուսնու ահից չի համարձակվում անել դա։

Երբ Նինոսը վախճանվում է, գալիս է Շամիրամի նվիրական իղձն իրագործելու ժամանակը: Ասորեստանի թագուհին բանբերներ է ուղարկում Արա Գեղեցիկի մոտ  ճոխ ընծաներով, բազում աղերսանքներով ու խոստումներով՝ նպատակ ունենալով համոզել Արային այցելել Նինվե և այստեղ ամուսնանալ իր հետ և բոլորի վրա թագավորել կամ էլ հագուրդ տալ իր փափագին և մեծամեծ ընծաներով ու խաղաղությամբ վերադառնալ Հայոց աշխարհ։ Շամիրամի սուրհանդակները գալիս են Հայաստան, սակայն Արան իսկույն մերժում է նրանց։ Շամիրամը մի քանի անգամ էլ փորձում է գործը գլուխ բերել հորդորներով ու աղաչանքներով, սակայն անարդյունք։

Սաստիկ զայրացած Շամիրամը դադարեցնում է աղերսների ու համոզումների մարտավարությունը, զորք է հավաքում և շարժվում է Հայոց աշխարհ՝ Արայի դեմ պատերազմելու։

Շամիրամը գալիս է Արայի դաշտը, որ հետագայում հայ թագավորի անունով կոչվում է Այրարատ։ Նախքան ճակատամարտը Շամիրամը պատվիրում է իր զորապետներին խնայել ու ողջ պահել Արային։ Սակայն կռվում Արայի զորքը կոտորվում է, իսկ Արան՝ ընկնում ռազմի դաշտում։ Հաղթանակից հետո Շամիրամ թագուհին կռվի դաշտ է ուղարկում իր կատարածուներին՝ դիակների մեջ գտնելու իր տենչալի Արային։ Հայ թագավորին գտնում են մի խումբ քաջամարտիկների մեջ սպանված։ Շամիրամը հրամայում է Արայի դին դնել ապա-րանքի վերնատանը։

Իսկ երբ գրգռված հայոց զորքը պատրաստվում է նորից մարտնչել Շամիրամի դեմ Արայի մահվան վրեժն առնելու համար, Շամիրամն ասում է նրանց, որ հրամայել է իր աստվածներին լիզել նրա վերքերը և հարություն տալ թագավորին: Երբ դիակն սկսում է քայքայվել, Ասորեստանի թագուհին գաղտնի թաղում է Արային, իր փեսացուներից մեկին է տալիս Արայի հանդերձանքը և լուր է տարածում, թե արալեզները հարություն են տվել նրան։

Շամիրամը արձան է կանգնեցնում Արային «հարություն տվող» աստվածների պատվին և առատ զոհաբերություններ է մատուցում նրանց։ Արայի հարության լուրը տարածելով Հայոց աշխարհում և բոլորին համոզելով՝ Շամիրամը հանդարտեցնում է ժոդովրդի խռովքը։

Վ. Սուրենյանց «Շամիրամը Արա Գեղեցիկի դիակի մոտ» 





Դասարանային աշխատանք

  1. Ի՞նչ հատկանիշներով կբնութագրես Արային: Իսկ ինչպիսի՞ն էր Շամիրամը:
  2. Գուշակել, թե մգեցված բառերը ինչ ընդհանուր յուրահատկություն ունեն:
  3. Կետերի փոխարեն գրել տրված հոմանիշներից ամենահարմարը:
    • Ջուրը շատ (սառն, ցուրտ, պաղ) էր, ճիշտ օրվա նման:
    • …. (սիրտը շուռ եկած, տակն ու վրա եղած, ալեկոծված, հուզված, վրդովված, հուզված) ծովը ծեծում էր ափերը:
    • Ինչո՞ւ ես այդպես … (աներեր, հաստատուն, անսասան, անշարժ, անդրդվելի, անխախտ) նստել` փայտ կուլ տվածի նման:
    • Մարդն այնպես … (շուտափույթ, արագ, շուտ, հապճեպ) էր քայլում, կարծես կարևոր մի բանից ուշանում էր:
    • Փոքրիկը մի քիչ ոտքը կախ գցեց, հետո … (համարձակվեց, սիրտ առավ, խիզախեց, հանդգնեց) ու մոտ եկավ:
    • Ի վերջո այնպիսի մի տաճար … (շինեց, կառուցեց, կերտեց), որ բոլորին զարմացրեց իր արվեստով:
  4. Տրված հոմանիշներով կազմել նախադասություններ:
    • Կանաչ, զմրուխտե:
    • Բաժակ, գավաթ:
    • Ձյունաթույր, ճերմակ, սպիտակ:
  5. Ի՞նչ եզրակացություն կարելի է անել հոմանիշների մասին այս վարժությունները կատարելուց հետո:

Արա Գեղեցիկի և Շամիրամի մասին առասպելը սովորել պատմել:

Լրացուցիչ կրթություն (տանը)

  1. Իրականացնելու ենք «Ստեղծում եմ իմ առասպելը» լրացուցիչ կրթության առաջադրանքների ինքնատիպ շղթան: Սկզբի համար ստեղծում ենք անավարտ առասպել, որտեղ կլինեն հայկական հավատալիքներից հայտնի զարմանահրաշ ու գերբնական էակներ և աստվածներ` մեր նախընտրությամբ: Առասպելը պետք է դեռևս անավարտ թողնենք: Ավարտը կհորինենք հետո:
  2. Ընտրում ենք գեղեցիկ վերնագիր` հիշելով վերնագրի կարևոր նշանակությունը: Չմոռանանք նաև տեքստի առաջին նախադասության ու առաջին տպավորության կարևորության մասին:

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s