• Ներկայացնում և վերլուծում ենք Հովհաննես Շիրազի «Մարգարիտն ու փրփուրը» առակը:
• Քննարկում ենք, թե ինչ նոր բան բացահայտեց առակի անիմացիոն տարբերակը:

Իվան Կռիլով

ԿԱՐԱՊԸ, ԽԵՑԳԵՏԻՆԸ ԵՒ ԳԱՅԼԱՁՈՒԿԸ

Ինչքան կուզեն` իրենց տանջեն,

Երբ ընկերներն համերաշխ չեն,

Օգուտ չունեն բռնած գործից.

Այ, մի առակ կյանքի փորձից,

Թեև անցուկ,

Բայց ոչ մոռցուկ:

Մի կարապ, մի խեցգետին, մի գայլաձուկ

Բարձած սայլը տեղից քաշել ուզեցին,

Եվ երեքով եկան սայլին լծվեցին,

Ինչ են անում, ինչ չեն անում,

Սայլը տեղից չի էլ շարժվում.

Շատ թեթև է բեռը թվում,

Բայց կարապը վեր է թևում,

Խեցգետինը քաշում է հետ,

Գայլաձուկն էլ հո դեպի գետ:

Ով է արդար, ով մեղավոր,

Մենք չդատենք: Բանն այն է, որ

Մինչև այսօր

Թե սայլ, թե բեռ

Նույն տեղն են դեռ:

Կարող եք նաև լսել առակը:

Առաջադրանքներ

1. Ընթերցել ու վերլուծել առակը:
2. Պարզել, թե առակում ինչն է քննադատվում:
3. Բառարանների օգնությամբ գտնել ընդգծված բառերի հոմանիշները:

Լրացուցիչ կրթություն

• Գրել շարադրանք՝ «Կռիլովյան առակը մարդկանց աշխարհում» թեմայով:
• Շարադրանքում գտնել հնչյունափոխված արմատներ և բացատրել դրանց փոփոխությունը: